बाटिका बचत तथा ऋण सहकारी संस्था र लेखनाथ सिटी हस्पिटलबीच आफ्ना ग्राहक तथा बिरामीहरुलाई थप स्तरिय सुबिधा प्रदान गर्ने सम्बन्धमा सम्झौता सम्पन्न भएको छ । सम्झौतापश्चात सहकारीका शेयर धनी , कर्मचारी र कर्मचारीका परिवार तथा ग्राहकहरुले उच्चतम लाभ लिन सक्नेछन् ।

पोखरा-३२ मा अवस्थित सहकारीका शेयर धनी , कर्मचारी र कर्मचारीका परिवार तथा ग्राहकका लागि हस्पिटलले प्रदान गर्ने स्वास्थ्य सेवा जस्तै अपरेसन, पोस्टअप, आईसियु, ल्याब, औषधी, रेडियोलोजि, डेन्टल तथा जनरल वार्ड लगायतका बिभिन्न सेवाहरुमा २५ प्रतिशतसम्म छुटको व्यवस्था गरिएको हस्पिटलका प्रबन्धक बादल बस्नेतले बताए।

त्यस्तै हस्पिटलका शेयर सदस्य, संस्थामा कार्यरत डाक्टर तथा कर्मचारीहरूले सहकारीेले प्रदान गरेको वित्तीय सेवाहरू सर्वसुलभ दरमा प्राप्त गर्नेछन् । आफ्ना ग्राहकलाई अझ उत्कृष्ट सेवा प्रदान गर्न विभिन्न व्यावसायिक संस्थाहरूसँग विशेष छुट प्रदान गर्ने गरी सम्झौता गर्दै आइरहेकोमा साबिक लेखनाथको पहिलो तथा हाल पोखरा २६, बुढिबजार स्थित लेखनाथ सिटी हस्पिटलसँग सम्झौता गरिएको सहकारीका सचिव सुर्य (इन्द्र विलास) पौडेलले बताए ।

सम्झौता पत्रमा बाटिका बचत तथा ऋण सहकारी संस्थाको तर्फबाट अध्यक्ष मान बहादुर श्रेष्ठ र सचिव सुर्य (इन्द्र विलास) पौडेल तथा लेखनाथ सिटी हस्पिटलका तर्फबाट अध्यक्ष उदिप राज ढुंगाना र प्रबन्धक बादल बस्नेतले हस्ताक्षर गरेका हुन् ।