चर्चित युट्युबर मिस्टर बिस्टले मर्मत गरे सिन्धुलीकाे फिक्कल गाउँपालिकाको अस्पताल
व्यापार हब
३ बैशाख २०८१, सोमबार
सर्वाधिक सब्स्क्राइबर भएका विश्वचर्चित युट्यूबर मिस्टर बिस्टले सिन्धुलीको फिक्कलमा रहेको एउटा अस्पताललाई सोलार बत्तीले झिलीमिली बनाइदिएका छन् । निर्माणाधीन अस्पतालमा ११ किलोवाटको सोलार जडान गरिएको ‘बिस्ट फिल्यान्थ्रोपी’ नामक युट्यूब च्यानलमा अपलोड गरेको भिडिओमा उल्लेख गरिएको छ ।
भिडियोमा सबैभन्दा पहिले सिन्धुलीकाे फिक्कल गाउँपालिकामा जाडो र उपचारका कारण आफ्नो बच्चा गुमाएकी निराको कथा देखाइएको छ । सो ठाउँमा निर्माणाधीन अस्पताल र त्यहाँका केही स्वास्थ्यकर्मी देखाइएको छ । भौगोलिक विकटताका कारण त्यस क्षेत्रमा विद्युत पुग्न सकेको हुँदैन । जसकारण स्थानीयहरू सामान्य औषधी-उपचारबाटै वञ्चित भएको देखाइएको छ ।
भिडियोमा उक्त अस्पतालमा पुगेर मिस्टर बिस्टको टिमले के कसरी काम गरेको थियो भन्ने वर्णन गर्छ । विद्युतको पहुँच नभएकाले राम्रो उपचार नपाउँदा यस ठाउँका मानिसहरु अकालमा मरिरहेको तथा महिलाहरुको गर्भ खेर गइरहेको पृष्ठभूमि देखाइएको छ ।
मिस्टर बिस्टको २०२३ को डिसेम्बरमा बिस्टको टीम नेपाल आएको थियो । के कामका लागि नेपाल आएको भन्ने कुरालाई गोप्य राखिएको थियो । त्यसबेलादेखि गरेको कामलाई आइतबार भिडियो बनाएर खुलासा गरिएको हो । मिस्टर बिस्टको टिमले ‘गिभ पावर’ नामक संस्थासँगको सहकार्यमा सोलान जडान गरेको हो ।
सोलान जडान भएर बत्ति बलेको हेर्न गाउँलेहरु जम्मा भएका थिए । उक्त दृष्य पनि भिडियोमा समेटिएको छ । पहिलोपटक अस्पतालमा बत्ति बल्दा स्थानीय जनताहरु हर्षित बनेका थिए ।
बिस्टको परोपकारी टिमले विश्वका विभिन्न ग्रामीण, अविकसित भागमा स्वास्थ्य, शिक्षा उपलब्ध गराउन विभिन्न संस्थासँग सहकार्य गरिरहेको छ । यसपटक भने उक्त टिमले नेपालको ग्रामीण गाउँमा सुविधासम्पन्न अस्पतालका लागि काम गरेको छ ।
